Moderatorja Eni Vasili pret të bëhet nënë. Fillimisht lajmin e bukur për gazetaren e dha gazeta “Panorama” që ka siguruar edhe fotot nga shtatzania e moderatores. Në fakt, ajo del në panelet televizive çdo natë, por ka arritur ta fshehë shtatzaninë e saj.Duket se moderatorja nuk i ka shpëtuar aparatit të paparazzit. Eni ka dy binjake, dhe që të dyja vajza. Kështu, dhe pse është në vorbullën e fushatës zgjedhore, Eni Vasili e ka ‘ndarë mendjen’ që veç debateve të ethshme politike, dhe shpeshherë edhe me të bërtitura e ulërima, të bëhet nënë shumë shpejt.
Vite më parë u fol për lidhjen e saj me Armandin, inxhinerin që la Londrën për t’u njohur me moderatoren. Tashmë çifti kanë vendosur të bëhen edhe prindër dhe fatmirësisht, presin tashmë ardhjen e dy bebeve, vajza. Prej më shumë se 20 vitesh, tashmë moderatorja Eni Vasili është bërë “ikonë” e ekranit shqiptarë. Vitet nuk e kanë mposhtur moderatoren për të zbuluar diçka nga jeta private në ekran. Por kush është bashkëshorti i Eni Vaslit? Miqtë pranë Enit na rrëfejnë se kjo është një lidhje e cila ka filluar disa vite më parë. Armandi, një inxhinier informatike shumë i talentuar, jetonte që prej fillimit të viteve ‘90 në Londër dhe ndihej shumë mirë atje. Por në një darkë miqsh të përbashkët, ai njohu Enin dhe kështu filloi lidhja e tyre e dashurisë. Miqtë tregojnë se Armandi u përpoq ta bindte Enin që ta merrte me vete në Londër, aty ku ai kishte krijuar prej vitesh një jetë shumë të mirë.
Por Eni, siç e ka thënë edhe vetë, është e dashuruar me ekranin dhe profesionin e saj si gazetare dhe as që bëhej fjalë që të pranonte të linte Shqipërinë e bashkë me të edhe punën për të cilën kishte investuar kaq shumë. Dhe kështu fitoi ajo, Armandi vendosi të lërë Londrën dhe të vijë të jetojë në Tiranë. Tashmë si bashkëshortë, ata kanë konsoliduar një familje model dhe bashkëshorti i saj, na tregojnë se është edhe një mbështetës i madh në karrierën e Enit, e cila duhet thënë që është nga të paktat zonja në ekran që ka një karrierë kaq impenjative si ai i programeve politike në prime time.
